ရုပ်ရှင်ရုံတွေမှာလာကြည့်သူမရှိတာဟာ NUG ထောက်ခံသူတွေကြောင့်ဖြစ်ရတာလို့ဆို

ရုပ်ရှင်ရုံတွေပြန်ဖွင့်ပေမယ့် မျှော်မှန်းသလိုမဖြစ်ခဲ့ဘူးလို့ စစ်ကောင်စီပြော

နှစ်နှစ်ကျော်ကြာပိတ်ထားခဲ့တဲ့ ရုပ်ရှင်ရုံတွေကို ပြန်ဖွင့်လှစ်ဖို့ စစ်ကောင်စီဘက်က လုပ်ခဲ့ပေမယ့် မျှော်မှန်းသလောက်ခရီးမရောက်ခဲ့ဘူးလို့ စစ်ကောင်စီရဲ့ ပြန်ကြားရေးဝန်ကြီးက မနေ့ မေလ ၆ ရက်နေ့က ပြောဆိုခဲ့ပါတယ်။

ပြီးခဲ့တဲ့ ဧပြီလ ၁၇ ကစပြီး ရန်ကုန်၊ မန္တလေးအပါအဝင် မြို့ကြီးတချို့မှာရှိတဲ့ ရုပ်ရှင်ရုံတွေကို တပြိုင်တည်းပြန်ဖွင့်ခဲ့တာဖြစ်ပြီး လွတ်ငြိမ်းချမ်းသာခွင့်နဲ့ ပြန်လွတ်မြောက်လာတဲ့ သရုပ်ဆောင်တွေရဲ့ဇာတ်ကားတွေကို ပွဲဦးထွက်အနေနဲ့ ပြသခဲ့ပေမယ့် ရုပ်ရှင်ရုံစဖွင့်ချိန်ကစလို့ တစ်လဝန်းကျင်ရှိတဲ့အထိ ရုပ်ရှင်ရုံတွေမှာ လာ‌ရောက်ကြည့်ရူသူမရှိသလောက်ဖြစ်ခဲ့တဲ့ အခြေအနေဖြစ်ခဲ့တာပါ။

မနေ့ မေလ ၆ရက်နေ့က ရန်ကုန်မြို့၊ ဗဟန်းမြိုနယ်မှာရှိတဲ့ရုပ်ရှင်အစည်းအရုံးမှာတော့ ရုပ်ရှင်ရုံတွေပြန်ဖွင့်ရာမှာအခက်အခဲရှိနေတာတွေအတွက် စစ်ကောင်စီဝန်ကြီးဌာနနဲ့ ရုပ်ရှင်ရုံပိုင်ရှင်တွေ တွေ့ဆုံခဲ့ပြီး အခုလိုရုပ်ရှင်ရုံတွေမှာလာကြည့်သူမရှိတာဟာ မသမာသူအဖျက်သမားတွေက ဟန့်တားနှောက်ယှက်နေတာကြောင့်ဖြစ်တယ်လို့ စစ်ကောင်စီရဲ့ပြန်ကြားရေးဝန်ကြီး ဦးမောင်မောင်အုန်းရဲ့ပြောဆိုခဲ့တာကိုလည်း ဒီကနေ့ မေလ ၇ ရက် စစ်ကောင်စီထုတ် သတင်းစာတွေမှာ ဖော်ပြလာပါတယ်။

အခုလိုရုပ်ရှင်ရုံတွေပြန်ဖွင့်ဖို့ခက်ခဲနေတာနဲ့ပတ်သက်ပြီး ကူညီဖြေရှင်းပေးမယ်လို့လည်း ဆက်ပြောထားတာကိုတွေ့ရပါတယ်။

လက်ရှိမှာတော့ အများပြည်သူရုံးပိတ်ရက်တွေနဲ့ သီတင်းပတ်ကုန်ဆုံးချိန်တွေမှာတောင် ရုပ်ရှင်ရုံတွေမှာလာကြည့်သူမရှိသလောက်ဖြစ်နေတာကိုလည်း ရုပ်ရှင်ရုံတာဝန်ခံ တချို့နဲ့ ဒေသခံတချို့ကို ဘီဘီစီက ဆက်သွယ်မြန်းထားချက်အရသိရပါတယ်။

BBC

Be the first to comment

Leave a Reply

Your email address will not be published.


*